Kanina may fire drill kami. Hindi ako sumali. Bakit? Dahil naniniwala akong wala dapat fire drill. Kapag kasi may fire drill, nasasanay ang mga tao at nalalaman nila ang dapat nilang gawin kapag may sunog. Kaya kapag may sunog, hindi na sila nagpapanic. E yun ang importanteng bagay sa isang sakuna. Ang pagpapanic. Dahil kapag nagpapanic ang isang tao, nagkakaroon siya ng adrenaline rush. Nagagawa nila ang mga bagay na hindi nila kayang gawin kapag normal sila. Kaya ang mga taong nagpapanic, kayang buhatin ang isang malaking tv or aircon nang mag-isa siya. Mas mabilis ang takbo niya. Mas mataas ang talon. Yung iba, kapag nagkakasunog, nakakatalon mula 2nd floor nang hindi natatakot o nasasaktan. Yun ang nadudulot ng panic. Superhuman strength. Ang kailangan lang ay kontrolin mo ang panic mo. Kailangang klaro ang isip mo habang nagpapanic... at lahat ng bagay ay magagawa mo.
- roger
Subscribe to:
Post Comments (Atom)
No comments:
Post a Comment